Edhe sot, protesta në Tiranë ka qenë e shoqëruar me tensione të larta.
Policia dhe protestuesit kanë pasur vetëm disa çaste “paqeje”, pasi tubuesit kanë hedhur gurë e molotovë në drejtim të forcave të rendit, ndërsa ata janë përgjigjur me ujë me presion.
Një moment që shkaktoi tension ishte rrëzimi i një droni, i cili dyshohet se ishte i policisë.
Protestuesit duket se kishin një shenjë të qartë dhe e rrëzuan dronin që po filmonte aktivitetet mbi ta.
Për më tepër, siç shihet në pamjet e siguruara, protestuesit kanë menduar edhe për një strategji tjetër për të ngadalësuar autobotet e ujit të policisë, të cilat përdoren për t’i ndjekur dhe shpërndarë ata.
Këto tela që shpojnë gomat e makinave janë hedhur në bulevard, duke krijuar një pengesë të re për forcat e rendit.
Burimi origjinal i informacionit: zeri .info
