Hoffenheimi ka arritur të sigurojë fitoren e tretë në sezonin aktual, duke e mposhtur Bayer Leverkusenin me rezultatin e pastër 3-0.
Në këtë ndeshje, Fisnik Asllani ishte në qendër të vëmendjes duke fituar penalltinë që zhbllokoi rezultatin.
Sulmuesi shqiptar luajti deri në minutën e 84-t, ndërsa Leon Avdullahu e përfundoi ndeshjen, duke kontribuar në suksesin e skuadrës së Hoffenheimit.
Momenti kyç ndodhi në minutën e 78-të, kur gjyqtari Daniel Siebert, pas rishikimit të pamjeve përmes VAR-it, akordoi një penallti për Hoffenheimin pas një ndërhyrjeje të paligjshme ndaj Asllanit në zonën e 16-metërshit.
Një minutë më vonë, Andrej Kramarić mori përsipër të gjuajë 11-metërshin dhe e dërgoi topin në rrjetë për të hapur rezultatin 1-0.
Në minutën e 89-të, Alexander Prass realizoi një gol të bukur nga jashtë zonës, duke goditur fuqishëm topin në pjesën e sipërme të portës për 2-0.
Ai, pas shënimit të golit, hoqi fanellën, por u ndëshkua me kartonin e dytë të verdhë dhe u përjashtua nga loja.
Pavarësisht se mbetën me një lojtar më pak, Hoffenheimi arriti të shënonte edhe golin e tretë në minutën e 90+5-të.
Max Moerstedt përfitoi nga një top i kthyer pas një rrëmuje në zonë dhe shënoi nga afërsia, duke vulosur kështu fitoren bindëse 3-0.
