- Advertisement -
Disa zogj të llojeve “Gardelina” dhe “Trishtili i madh”, të kapur në mënyrë të paligjshme me rrjeta në Lipjan, janë liruar në natyrë.
Ministrja e Mjedisit dhe Planifikimit Hapësinor, Fitore Pacolli, ka bërë të ditur se pas informacionit të marrë nga Policia e Kosovës në Magurë, Inspektorati i MMPH-së ka ndërhyrë në Lipjan.
Sipas saj, zogjtë janë liruar në natyrë, ndërsa rrjetat e përdorura për kapjen e tyre janë sekuestruar nga inspektorati. “Kapja e kundërligjshme e zogjve të egër nuk do të lejohet.
Mbrojtja e faunës dhe e biodiversitetit tonë mbetet përgjegjësi e përbashkët, andaj duhet ta mbrojmë secili,” ka shkruar Pacolli në Facebook.
Burimi origjinal i informacionit: zeri .info
- Advertisement -
