Të dielën në Vitomiricë të Pejës, Arlinda Zekaj humbi jetën, ndërsa i dyshuari për këtë ngjarje është kunati i saj.
Beteja e Arlindës për kujdestarinë e djalit të saj kishte nisur shumë më herët, me dyshimin se ai mbahej peng nga i dyshuari.
Avokatja e të ndjerës, Adelina Hoxha, ka ofruar detaje të rëndësishme në lidhje me këtë rast, duke theksuar se Arlinda ishte vazhdimisht e rrezikuar, por bënte çdo përpjekje për ta mbajtur afër djalin e saj. “Sot le më vranë, veç që po e di që po e ndiej djalin t’u marrë frymë”, ka thënë Hoxha, duke treguar fjalët e Arlindës ditë më parë.
Kjo ngjarje tragjike ka shkaktuar reagime të shumta në opinionin publik, duke kërkuar përgjegjësi nga institucionet për këtë situatë të rëndë.
Burimi origjinal i informacionit: zeri .info
