Xhirimet e filmit të ri aksion Miami Vice ’85, me protagoniste Michael B.
Jordan dhe Austin Butler, u ndërprenë të premten në New York për shkak të një incidenti me një burrë që dyshohet se mbante një thikë kasapi.
Sipas Departamentit të Policisë së New York-ut, rreth orës 23:15, një mosmarrëveshje verbale mes një personi pranë sheshit të xhirimit dhe 23-vjeçarit Alex Perez përfundoi me nxjerrjen e një thike.
Personi tjetër u frikësua për sigurinë e tij, ndërsa policia mbërriti në vendngjarje dhe arrestoi Perez, duke sekuestruar thikën.
Fatmirësisht, nuk raportohet për të lënduar, sipas DailyMail.
Riu u akuzua për kërcënim dhe posedim të paligjshëm të një arme.
Ende nuk dihet nëse Michael B.
Jordan, 39 vjeç, ndodhej në shesh gjatë incidentit.
Përfaqësuesit e aktorit dhe regjisorit Joseph Kosinski nuk kishin komentuar ende ngjarjen.
Miami Vice ’85 është një version i ri i serialit të njohur të viteve të 80-ta, ku luanin Don Johnson dhe Philip Michael Thomas.
Në filmin e ri, Butler interpreton detektivin Sonny Crockett, ndërsa Jordan luan Ricardo Tubbs.
Të dy personazhet maskohen si kriminelë për të depërtuar në rrjetet kriminale të Floridës së Jugut.
Në kast janë gjithashtu Walton Goggins, John Leguizamo, Haley Lu Richardson, Camila Morrone, Dominic Sessa dhe Danny Ramirez.
Burimi origjinal i informacionit: telegrafi .com
