Kryeministri Albin Kurti ka zhvilluar një takim me ambasadorin e Italisë, Maurizio Antonini, ku kanë diskutuar për disa çështje të rëndësishme, përfshirë aktgjykimin e 16 shtatorit në Hagë ndaj ish-krerëve të UÇK-së.
Përveç kësaj teme kryesore, ata folën edhe për procesin e integrimit evropian dhe rolin e Italisë në zhvillimin e Kosovës. “Përfundimi i procesit të formimit dhe funksionalizimit të institucioneve është veçse kthim me përqendrim të plotë te programi i punës dhe planet për zhvillim, dhe pikërisht për këtë biseduam në takimin që pata me ambasadorin e Italisë, Maurizio Antonini, nga i cili pranova urime për zgjedhjen e presidentes”, shkruan Kurti në Facebook. “Krahas aktualitetit, përfshirë aktgjykimin e 16 shtatorit në Hagë ndaj ish-krerëve të UÇK-së, biseduam për procesin e integrimit evropian, rolin e Italisë dhe rëndësinë e mbështetjes së saj në avancimin e statusit të Kosovës në shtet kandidat për anëtarësim në Bashkimin Evropian”.
Kurti theksoi se janë mirënjohës ndaj Italisë për përkrahjen dhe kontributin e saj në zhvillimin e Kosovës, duke shprehur dëshirën për të zgjeruar bashkëpunimin në të gjitha sektorët e interesit të përbashkët, përfshirë edhe sportin.
Burimi origjinal i informacionit: zeri .info
