Lady Gaga po bën përpjekje të mëdha për të krijuar një jetë sa më private për vajzën e saj të vogël, Rose Bean, duke synuar që ajo të ketë një fëmijëri sa më normale, pavarësisht nga fama e madhe që e shoqëron.
Këngëtarja 40-vjeçare dhe i fejuari i saj, Michael Polansky, u bënë prindër për herë të parë më 9 qershor, kur erdhi në jetë vajza e tyre, Rose Bean Polansky.
Lajmi për lindjen e saj u bë publik disa muaj më vonë, ndërsa emri dhe data e lindjes u konfirmuan përmes certifikatës së lindjes.
Sipas burimeve të cituara nga mediat amerikane, çifti po shijon një periudhë të qetë larg vëmendjes publike dhe kanë filluar ta marrin vajzën në disa dalje të vogla, ndërsa pjesën më të madhe të jetës familjare e mbajnë private.
Gaga është përshkruar si veçanërisht mbrojtëse ndaj Rose dhe shumë e kujdesshme për njerëzit që lejon në rrethin e saj të ngushtë.
Pas përfundimit të turneut Mayhem Ball në prill, këngëtarja është tërhequr për një periudhë nga angazhimet publike, duke kaluar më shumë kohë me familjen.
Sipas raportimeve, prioritetet e saj kanë ndryshuar dhe ajo po e shijon këtë kapitull të ri, duke u përqendruar te jeta në shtëpi dhe te vajza e saj.
Rose lindi përmes një nëne surrogate në Los Angeles dhe emri i saj u bë publik në shtator.
Burimi origjinal i informacionit: telegrafi .com
