Skuadra e Marseille ka refuzuar kërkesën e fundit të drejtuesve të saj për uljen e pagave, në një kohë kur klubi francez po përballet me një presion të madh financiar.
Sipas raportimeve nga Foot Mercato, klubi ka kërkuar nga disa lojtarë që të pranojnë një tjetër sakrificë financiare, por të gjithë ata e kanë refuzuar këtë kërkesë, duke bërë që palët të mos arrijnë një marrëveshje për uljen e pagave.
Marseille ndodhet nën mbikëqyrjen e DNCG, organit francez të kontrollit financiar të klubeve.
Më 26 qershor, ky institucion vendosi kufizime për fondin e pagave dhe shpenzimet për transferime, pas shkeljeve të rënda financiare dhe humbjeve të mëdha të të ardhurave.
Klubi kishte ndërmarrë masa të rëndësishme kursimi edhe gjatë verës së kaluar, kur disa futbollistë të rëndësishëm u larguan dhe nuk u realizua asnjë transferim i ri.
Presidenti Stephane Richard kishte deklaruar se qëllimi ishte ulja e fondit të pagave me 30 deri në 35 për qind, krahasuar me sezonin e kaluar.
Megjithatë, situata është komplikuar për shkak se kontratat e futbollistëve janë negociuar individualisht, duke kufizuar mundësitë e drejtuesve për të imponuar ndryshime të njëanshme në paga.
