Artan Abrashi: Duhet të Dënohen Të Gjithë Ata që Nuk Parandaluan Vrasjen e Arlinda Zekajt

Deputeti i Lëvizjes Vetëvendosje, Artan Abrashi, ka theksuar se kjo parti kërkon që të gjithë ata që nuk kanë marrë masa për ta parandaluar vrasjen e Arlinda Zekajt të dënohen.

Abrashi shprehu mbështetje për protestën, duke e cilësuar reagimin qytetar, qoftë aktiv apo në heshtje, si një të drejtë të domosdoshme. “KGJK-ja dhe KPK-ja duhet të reagojnë, nuk mjafton masa disiplinore.

Ne përkrahim protestën.

Revoltat e atyre që protestojnë aktivisht, dhe në heshtje, janë të drejta të domosdoshme dhe udhërrëfyese.

Të mos heshtim, të dashur kolegë, të mos dorëzohemi, të luftojmë derisa të ndryshojë kjo gjendje.

E kemi secili për detyrë”, tha ai.

Burimi origjinal i informacionit: zeri .info