Kryetarja e Grupit Parlamentar të Lëvizjes Vetëvendosje, Arbërie Nagavci, njoftoi për vendimet e marra në seancën e djeshme të Kuvendit të Kosovës.
Ajo bëri të ditur se në lexim të parë është miratuar Projektligji për Buxhetin e Republikës së Kosovës për vitin 2027, me një vlerë prej 4 miliardë e 270 milionë eurosh.
Sipas Nagavcit, ky është buxheti më i madh i miratuar ndonjëherë.
Nagavci shtoi se në të njëjtën seancë janë miratuar edhe tri projektligje për ratifikimin e marrëveshjeve dhe konventave ndërkombëtare, duke përfshirë Konventën për Njohjen dhe Ekzekutimin e Vendimeve të Huaja në Çështje Civile apo Tregtare, Protokollin për Ndryshimin e Marrëveshjes mbi Statusin dhe Funksionet e Komisionit Ndërkombëtar për Personat e Zhdukur dhe Konventën për Marrëveshjet për Zgjedhjen e Gjykatës.
Për më tepër, ajo tha se Kuvendi miratoi gjithashtu vendimin e Qeverisë për masat emergjente për furnizimin me energji elektrike, si dhe projektligjet për Rregullatorin e Energjisë, Efiçiencën e Energjisë dhe Inspektoratin Qendror të Trashëgimisë Kulturore.
Burimi origjinal i informacionit: zeri .info

