Kryeministri Edi Rama ka bërë një tjetër ftesë për dialog ndaj studentëve dhe pedagogëve që po protestojnë, duke shprehur gatishmërinë e qeverisë për të shqyrtuar propozimet e tyre dhe për të adresuar shqetësimet e ngritura.
Ai ndau në rrjetet sociale pamje nga sofra e gurtë e vendosur para godinës së Kryeministrisë me mbishkrimin “Dialog”.
Megjithatë, deri tani, protestuesit e kanë refuzuar këtë ftesë, duke kërkuar dorëheqjen e Kryeministrit dhe duke paralajmëruar vazhdimin e protestës.
Kryeministri ka theksuar se është i gatshëm të shqyrtojë çdo propozim të studentëve dhe pedagogëve, ndërsa qeveria është në proces të përgatitjes së një pakete masash për të përmbushur nevojat e tyre.
Synimi është që dëgjimi i qytetarëve të përkthehet në vendimmarrje dhe mbështetje konkrete.
Një ditë më parë, protestat vazhduan para Ministrisë së Arsimit dhe Kryeministrisë, ku ndodhën edhe akte dhune dhe përplasje mes policisë dhe protestuesve.
Në këto protesta iu bashkuan gjithashtu deputetë dhe anëtarë të Partisë Demokratike.
Burimi origjinal i informacionit: zeri .info
