Atmosfera e Halloween-it në shtëpinë e Big Brother VIP Kosova 5 duket se do të sjellë edhe disa tensione ndërmjet banorëve.
Këtë herë, vendimi për ata që do të jenë pjesë e festës së organizuar për sonte është besuar tre banorëve të nominuar: Anjezës, Dionit dhe Zojës. Çdo njëri prej tyre ka pasur mundësinë të zgjedhë nga dy banorë që dëshiron t’i ketë pranë gjatë festës.
Zgjedhjet e tyre kanë reflektuar edhe marrëdhëniet që kanë ndërtuar brenda shtëpisë, ndërsa përjashtimi i disa banorëve mund të sjellë pakënaqësi.
Anjeza vendosi të ftojë Rronin dhe Antonetën, duke i zgjedhur ata për të qenë pjesë e mbrëmjes festive.
Nga ana tjetër, Dioni zgjodhi Lumin dhe Likin, emrin me të cilin njihet edhe Arlinda brenda shtëpisë.
Ndërsa Zoja e zgjodhi Akilin dhe Jonën për të qenë me të në festën e Halloween-it.
Këto zgjedhje mund të ndikojnë në dinamikat mes banorëve, veçanërisht duke pasur parasysh se festa do të jetë e kufizuar vetëm për ata që janë përzgjedhur.
Burimi origjinal i informacionit: telegrafi .com
