Ka filluar mbledhja e 64-t e Këshillit të Përgjithshëm të Lëvizjes Vetëvendosje.
Shefja e Grupit Parlamentar të VV-së, Arbërie Nagavci, theksoi se mbledhja po zhvillohet në një moment të rëndësishëm politik, pas përmbylljes së procesit të konstituimit të institucioneve të Kosovës. “Mbledhja e 64-t e Këshillit të Përgjithshëm të Lëvizjes Vetëvendosje po mbahet në një moment të rëndësishëm, kur kemi përmbyllur me sukses procesin e konstituimit të institucioneve të Kosovës, Kuvendit, Qeverisë dhe zgjedhjen e presidentes”, deklaroi Nagavci.
Ajo theksoi se, pavarësisht këtyre zhvillimeve, Kosova vazhdon të përballet me sfida serioze, duke përmendur rastin e vrasjes së Arlinda Zekajt. “Vazhdojmë të përballemi me sfida serioze, siç është rasti tragjik i vrasjes së Arlinda Zekajt, krim që kërkon veprime urgjente e serioze institucionale”, shprehu ajo.
Nagavci gjithashtu kërkoi angazhim institucional për adresimin e çdo veprimi apo mosveprimi dhe një angazhim të gjithë shoqërisë për të ndryshuar gjendjen. “Nevojitet angazhim për adresimin e çdo veprimi apo mosveprimi institucional dhe angazhim gjithëshoqëror deri në ndryshimin e plotë të kësaj gjendjeje”, tha Nagavci.
Burimi origjinal i informacionit: zeri .info
