Kryeministri Albin Kurti ka rikthyer vëmendjen mbi procesin zgjedhor dhe aktgjykimin që u dha katër ish-krerëve të Ushtrisë Çlirimtare të Kosovës në Hagë.
Gjatë mbledhjes së Këshillit të Përgjithshëm të Lëvizjes Vetëvendosje, ai theksoi se shkuarja në zgjedhje kishte rezultuar e kotë, por, sipas tij, në kontekstin e krijuar pas aktgjykimit ndaj Hashim Thaçit, Jakup Krasniqit, Kadri Veselit dhe Rexhep Selimit, vendimi për të mos shkuar në zgjedhje ishte edhe më i rëndësishëm.
Kurti e përshkroi aktgjykimin si të padrejtë në aspektin juridik dhe moral, si dhe të pasaktë historikisht dhe faktikisht. “Shkuarja në zgjedhje u dëshmua të jetë e kotë, porse kësaj radhe mosshkuarja në to ishte edhe më e rëndësishme për kontekstin që u prodhua pas aktgjykimit për katër ish-krerët e UÇK-së, Hashim Thaçi, Jakup Krasniqi, Kadri Veseli e Rexhep Selimi, aktgjykim ky i padrejtë juridikisht e moralisht dhe i pasaktë historikisht e faktikisht.
Në rrethana të një padrejtësie që prodhoi shumë mllef e pakënaqësi si shtet kishim përgjegjësinë sa të trajtimit dhe reagimit ndaj këtij vendimi ashtu edhe të menaxhimit me qytetarët e pakënaqur”, deklaroi ai.
Ai gjithashtu shtoi se ky aktgjykim duhet të ndryshohet dhe të korrigjohet në shkallën e Apelit.
Burimi origjinal i informacionit: zeri .info
