Kryeministri Albin Kurti ka shprehur ngushëllimet e tij për jetët e humbura sot në një aksident tragjik në Madrid, ku dy trena të shpejtë janë përplasur. “Thellësisht i pikëlluar nga lajmi për aksidentin hekurudhor në Spanjë, i cili ka marrë dhjetëra jetë njerëzish.
Ngushëllimet e mia më të sinqerta i shpreh kryeministrit Pedro Sanchez, familjeve të viktimave dhe popullit të Spanjës në këtë ditë tragjike,” ka shkruar Kurti në platformën X.
Aksidenti ka shkaktuar ndërprerjen e linjës hekurudhore që lidh Madridin me rajonin jugor të Andaluzisë, sipas njoftimeve nga operatori hekurudhor Adif.
Autoritetet rajonale të Castilla-La Mancha kanë raportuar se të paktën 64 persona kanë humbur jetën si pasojë e këtij aksidenti, ndërsa ende nuk dihen detajet e plota të shkakut të tij.
Burimi origjinal i informacionit: zeri .info
