Sot në sheshin “Skënderbej” në Tiranë janë regjistruar përplasje, incidente dhe dëme serioze gjatë protestës së 12-të.
Protestuesit kanë hedhur bomba molotov, fishekzjarre dhe gurë ndaj policisë.
Gjatë këtyre përplasjeve, një efektiv policie ka marrë flakë, por kolegët e tij kanë ndërhyrë menjëherë për t’i shuar flakët dhe për t’i ardhur në ndihmë.
Protestuesit, duke shprehur pakënaqësinë e tyre, hodhën shishe me benzinë në drejtim të Ministrisë së Bujqësisë dhe Bashkisë së Tiranës, duke shkaktuar flakë në hyrjet kryesore të këtyre institucioneve, por zjarrfikësit arritën t’i vunë ato nën kontroll.
Përplasjet vazhduan për më shumë se tri orë, ku protestues të rinj të maskuar, disa prej tyre të pajisur me shkopinj, u përballën ashpër me efektivët e policisë.
Policia iu përgjigj akteve të dhunës me ujë dhe gaz lotësjellës.
Disa protestues, gjatë ditës, vazhduan të heqin gurë nga sheshi “Skënderbej” dhe t’i gjuajnë në drejtim të policisë.
Lëndët piroteknike shkaktuan disa vatra të vogla zjarri në shesh, ndërsa situata u shoqërua me tym dhe përdorim të gazit lotësjellës nga ana e policisë.
Efektivët e policisë ishin të shpërndarë në disa pika të sheshit, me një numër të konsiderueshëm të tyre pranë selisë së Partisë Socialiste.
Pavarësisht ndërhyrjes së policisë, hedhja e gurëve vazhdoi.
Gjithashtu, protestuesit hodhën një mori fishekzjarresh në drejtim të efektivëve të Policisë së Shtetit.
Përdorimi i moleteve nga protestuesit dhe gazit lotësjellës nga policia ka shoqëruar përplasjet në disa zona të kryeqytetit, ndërsa forcat e policisë janë angazhuar për menaxhimin e situatës.
Burimi origjinal i informacionit: zeri .info
