TV Dukagjini ka shpërndarë një foto ku shihet oficeri i Shërbimit Informativ të Serbisë (BIA), Zhelimir Matoviq, i cili dyshohet se ka qenë rekrutuesi i Fehim Salit, i cili është arrestuar në Kosovë për spiunazh.
Në fotografi, Matoviq është i bashkuar me Salin gjatë një takimi në Serbi.
Vendimi është marrë më 14 gusht nga gjyqtari i procedurës paraprake, Kushtrim Shyti, pas kërkesës së Prokurorisë Speciale të Kosovës.
Paraburgimi do të zgjasë deri më 13 shtator 2026.
Gjykata ka vlerësuar se ekziston dyshim i bazuar se Sali ka hyrë në shërbim të një shërbimi informativ të huaj dhe ka mbledhur të dhëna për të ose ka ndihmuar veprimtarinë e tij.
Hetimi ndaj Salit ishte iniciuar pas një informacioni nga Agjencia e Kosovës për Inteligjencë lidhur me kontaktet e tij me BIA-n.
Gjykata thotë se Sali ka pasur kontakte të vazhdueshme me Zhelimir Matoviqin, i njohur si “Zheljko” nga viti 2002.
Sali dyshohet se ka ofruar informacione për situatën politike në Kosovë dhe ka ndihmuar në identifikimin e zyrtarëve të AKI-së.
Po ashtu, ai ka ofruar të dhëna për rekrutim nga BIA.
Sali ka ndërmjetësuar për dokumente të institucioneve të Serbisë dhe ka lidhur kontakte me persona me ndikim politik në Kosovë dhe Serbi.
Gjykata Themelore në Prishtinë ka vendosur që Sali të qëndrojë në paraburgim deri më 13 shtator.
Burimi origjinal i informacionit: zeri .info
