Blerim Isufaj, ish-kryeprokurori i Prokurorisë Speciale të Kosovës, ka paraqitur ankesë në Gjykatën Supreme për vendimin e Këshillit Prokurorial të Kosovës që e shkarkoi nga pozita e tij.
Sipas informacioneve nga Gjykata Supreme, ankesa administrative e Isufajt është pranuar më 9 tetor.
Antigona Uka-Lutfiu, udhëheqësja e Zyrës për Informim në Gjykatën Supreme, ka konfirmuar se aktualisht po punohet mbi ankesën e tij. “Lidhur me kërkesën tuaj, ju njoftojmë se ankesa administrative është pranuar me datë 9.10.2026, mban numrin AA.nr.40/2026, dhe aktualisht gjendet në punë”, tha Uka-Lutfiu.
Burimi origjinal i informacionit: zeri .info
