David dhe Victoria Beckham kanë bërë një tjetër përpjekje publike për të zbutur raportet e tensionuara me djalin e tyre të madh, Brooklyn Beckham, duke i dedikuar postime emocionale me rastin e Ditës së Babait.
Victoria ndau në Instagram një mesazh për bashkëshortin e saj ku e përshkroi atë si ‘babanë më të mirë’, duke theksuar se suksesi i tij më i madh kanë qenë gjithmonë fëmijët e tyre.
Ajo publikoi gjithashtu një seri fotosh familjare, përfshirë edhe imazhe nga pushimet ku shfaqet e gjithë familja.
Edhe David publikoi një postim të ngjashëm, ku ndau foto nostalgjike me fëmijët e tij, përfshirë edhe Brooklyn Beckham kur ishte fëmijë.
Ai theksoi se të qenit baba është roli i tij më i rëndësishëm dhe u shpreh mirënjohës për familjen.
Megjithatë, pavarësisht këtyre mesazheve publike, Brooklyn nuk ka bërë asnjë reagim apo urim për babanë e tij në këtë ditë.
Në të njëjtën kohë, bashkëshortja e tij, Nicola Peltz, i ka dedikuar një postim emocional babait të saj, duke e quajtur atë mbështetjen më të madhe të jetës.
Mungesa e reagimit nga Brooklyn vjen në vazhdën e tensioneve të vazhdueshme familjare që janë bërë publike prej muajsh.
Sipas raportimeve, përçarja mes tij dhe familjes Beckham është thelluar që nga viti i kaluar, pas mosmarrëveshjeve që lidhen edhe me martesën e tij me Nicola Peltz, përfshirë pretendime për ndërhyrje dhe konflikte brenda familjes.
Burimi origjinal i informacionit: telegrafi.com
