Kryeministri i Kosovës, Albin Kurti, ka folur në panelin “Making Peace Last: Rebuilding Societies After War” në kuadër të Forumit të Paqes në Paris, ku u shpreh për Gjykatën Speciale dhe drejtësinë ndërkombëtare.
Megjithëse nuk përmendi emrat e ish-krerëve të UÇK-së që janë dënuar në Hagë me një total prej 81 vjet burgim, Kurti theksoi se është e rëndësishme të mos ndalemi së besuari në të vërtetën dhe përpjekjet për të arritur drejtësi.
Ai e përmendi rëndësinë e apelimit dhe nevojën për të vepruar kur “s’je i kënaqur”. “Sa i përket drejtësisë ndërkombëtare.
Kur s’je i kënaqur me vendimin, bëj gjithë punën që duhet për Apelin dhe asnjëherë mos ndalo së besuari në të vërtetën dhe së punuari për drejtësi”, u shpreh Kurti gjatë diskutimit.
Burimi origjinal i informacionit: zeri .info
