Ministri i Mbrojtjes, Ejup Maqedonci, njoftoi se buxheti për mbrojtjen e Republikës së Kosovës për vitin 2027 është planifikuar të arrijë shifrën prej 224 milionë e 168 mijë e 705 euro, duke e shpallur atë si më të lartin në historinë e Ministrisë së Mbrojtjes dhe Ushtrisë së Kosovës.
Në një postim në Facebook, Maqedonci theksoi se ky buxhet do të mundësojë vazhdimin e investimeve për modernizimin e Forcës së Sigurisë së Kosovës.
Ai përmendi se investimet do të përfshijnë furnizimin me pajisje dhe sisteme moderne ushtarake, ngritjen e kapaciteteve operacionale, si dhe zhvillimin e infrastrukturës mbrojtëse. “Përmes këtij buxheti, do të vazhdojnë investimet në modernizimin e Forcës së Sigurisë së Kosovës, furnizimin me pajisje dhe sisteme moderne ushtarake, ngritjen e kapaciteteve operacionale dhe zhvillimin e infrastrukturës mbrojtëse”, theksoi Maqedonci.
Burimi origjinal i informacionit: zeri .info
