Ministria e Punëve të Jashtme dhe Diasporës ka njoftuar se deri tani nuk ka pranuar asnjë kërkesë për vizita zyrtare nga përfaqësues dhe studentë të Listës Studentore, e cila po merr pushtetin në Serbi, të cilët së fundmi ishin në Kosovë. “Lidhur me vizitën e përfaqësuesve të Listës Studentore, më 8 dhe 9 nëntor 2026, Ministria e Punëve të Jashtme dhe Diasporës nuk ka pranuar kërkesë për vizitë zyrtare dhe, rrjedhimisht, nuk ka lëshuar ndonjë miratim të tillë”, thuhet në një përgjigje me shkrim për RTKLive nga MPJD. “Kërkesat për vizita zyrtare të përfaqësuesve të institucioneve të Serbisë në Republikën e Kosovës përcillen përmes Zyrës Ndërlidhëse të Republikës së Kosovës në Serbi dhe trajtohen sipas procedurave përkatëse institucionale.
Lidhur me vizitën e përfaqësuesve të Listës Studentore, më 8 dhe 9 nëntor 2026, Ministria e Punëve të Jashtme dhe Diasporës nuk ka pranuar kërkesë për vizitë zyrtare dhe, rrjedhimisht, nuk ka lëshuar ndonjë miratim të tillë.
Duke qenë se përfaqësuesit në fjalë nuk mbajnë akoma funksione zyrtare në institucionet shtetërore të Serbisë, hyrja dhe qëndrimi i tyre në Republikën e Kosovës janë realizuar në cilësinë e qytetarëve të zakonshëm, në përputhje me rregullat dhe procedurat e përgjithshme për hyrjen dhe qëndrimin e shtetasve të Serbisë në Republikën e Kosovës.
Për vizita të kësaj natyre nuk kërkohet miratim paraprak nga MPJD-ja”, thonë nga MPJD.
Burimi origjinal i informacionit: zeri .info
