Fenerbahçe ka arritur një fitore të jashtëzakonshme në shtëpi ndaj Liverpoolit, në kuadër të xhiros së katërt të fazës së Ligës së Kampionëve.
Edhe pse skuadra turke u gjend dy herë në disavantazh, ajo arriti ta përmbysë ndeshjen me rezultatin 3-2, duke siguruar kështu pikët e plota.
Ndeshja filloi me një dominim të Liverpoolit që kaloi në epërsi falë një goli të Tery Nyoni, i cili shënoi nga distanca në minutën e 25-të.
Megjithatë, katër minuta më vonë, Mason Greenwood barazoi rezultatet me një supergol nga gjuajtja e lirë (29’).
Për të rikthyer epërsinë, Liverpooli u mbështet te Alexander Isak, i cili shënoi me kokë pas harkimit të Gakpos në minutën e 69-të.
Por, Fenerbahçe nuk u dorëzua.
Pas një gabimi të rëndë në mbrojtjen e “Reds”, Archie Brown përfitoi dhe realizoi nga afërsia, duke barazuar rezultatin në minutën e 73-të.
Ylli i Kosovës, Vedat Muriqi, u kujdes për përmbysjen e madhe duke shënuar me kokë pas harkimit të Brown në minutën e 79-të, duke i dhënë kështu Fenerbahçes një fitore të çmuar në këtë ndeshje emocionuese.
