Mbrëmjen e së shtunës, në stadiumin “Abdoulaye Wade”, u mbajt ceremonia hapëse e Lojërave të katërta Olimpike për të Rinj Dakar 2026.
Këto lojëra do të zhvillohen nga data 31 tetor deri më 13 nëntor në Senegal.
Gjatë parakalimit të delegacioneve, flamurin e Kosovës e mbajti xhudistja Arba Hasanaj, e cila kishte nderin të përfaqësonte vendin tonë në këtë ngjarje të rëndësishme.
Ceremonia ishte e pasur me një program artistik, ku u përziej tradita dhe kultura senegaleze me frymën sportive dhe olimpike.
Midis të pranishmëve ishte edhe presidentja e Komitetit Olimpik Ndërkombëtar, Kirsty Coventry.
Në këtë edicion të Lojërave Olimpike për të Rinj, marrin pjesë sportistë të moshës 14 deri në 18 vjeç, të cilët do të garojnë në disa disiplina sportive.
Ekipi Olimpik i Kosovës në Dakar përbëhet nga tre sportiste: xhudistja Arba Hasanaj, taekwondistja Shega Sejdiu dhe atletja Erisë Avdullahu.
