Juventusi ka sulmin e dytë më të dobët ndër dhjetë skuadrat e para në Serie A, duke u renditur në vendin e 18-të për golat e pritur nga aksionet e lojës së hapur, pas nëntë xhirove të para të sezonit.
Në ndeshjen e fundit, ekipi i njohur me nofkën ‘Zonja e Vjetër’ pësoi humbjen e dytë në tri takimet e fundit, duke u mposhtur 2-0 në udhëtim nga Genoa.
Statistikat e Juventusit janë shqetësuese në disa aspekte, nga sulmi deri te mbrojtja.
Megjithatë, emisioni pas ndeshjes i Sky Sport Italia u përqendrua te shifrat e skuadrës bardhezi në fazën e fundit të sulmit.
Juventusi renditet në vendin e 16-të në Serie A për golat e pritur në total (0.93), ndërsa zë vendin e 18-të për golat e pritur nga aksionet e lojës së hapur (0.64) dhe për goditjet brenda zonës së rreptësisë (5.84).
Një tregues pozitiv për skuadrën torineze është dhe mesatarja e goditjeve nga jashtë zonës, ku Juventusi renditet i katërti në këtë kategori me një mesatare prej 4.75 goditjesh për ndeshje.
Megjithatë, gjiganti italian ka arritur të shënojë vetëm 11 gola në nëntë ndeshjet e para të sezonit në Serie A, dhe në mesin e dhjetë skuadrave të para, vetëm Cagliari ka shënuar më pak, me gjithsej tetë gola.
