Gjatë ditës së votimit, janë regjistruar kolona të shumta në disa pika të kalimit kufitar mes Kosovës dhe Serbisë, me një fluks të shtuar votuesish nga veriu i Kosovës në Rashkë.
Sipas të dhënave të publikuara nga Qendra Kombëtare për Menaxhim Kufitar, pritjet për automjetet në disa pika kufitare arrijnë deri në 30–40 minuta në hyrje dhe deri në 90–120 minuta (1 orë e 30 minuta deri në 2 orë) në dalje.
Në Merdar, pritjet për dalje janë deri në 1 orë e 30 minuta deri në 2 orë, ndërsa kolona e automjeteve arrin deri në 3000 metra.
Në Jarinjë, pritjet për të dalë shkojnë deri në 3 orë.
Në të njëjtën kohë, mediat lokale nga veriu i Kosovës raportojnë për tollovi të shumta në vendvotimin në Rashkë, ku votojnë qytetarët nga veriu.
Gjatë gjysmës së parë pas hapjes së vendvotimit, dy gra janë alivanosur.
Fluksi i votuesve dhe pritjet në pikat kufitare po shënojnë zhvillimet e ditës së votimit, ndërsa qytetarët që udhëtojnë drejt Serbisë për të votuar po përballen me vonesa në disa vendkalime.
Burimi origjinal i informacionit: zeri .info
