Deputeti i Aleancës për Ardhmërinë e Kosovës, Burim Ramadani, i ka bërë thirrje shqiptarëve në Preshevë, Medvegjë dhe Bujanoc që të dalin masivisht në votime dhe të sigurojnë një përfaqësim sa më të fuqishëm.
Në një postim në Facebook, Ramadani theksoi se vota është thelbësore për të garantuar që zëri i shqiptarëve të dëgjohet në institucionet e Serbisë. “Shqiptarë të Luginës, votoni sot!
Mos e humbni zërin tuaj, përfaqësimin tuaj”, ka shkruar ai.
Ai u ka bërë thirrje qytetarëve që të votojnë me besim, duke theksuar rëndësinë e bashkimit për një përfaqësim më të fortë politik. “Masivisht dhe me besim për t’u dëgjuar zëri juaj!”, ka theksuar Ramadani.
Ai gjithashtu ka shprehur kritika për proceset zgjedhore dhe qeverisjen në Serbi, duke thënë: “Në Serbi zgjedhjet nuk kanë qenë asnjëherë demokratike, rrjedhimisht as qeverisja”.
Ramadani ka theksuar nevojën për bashkim në përfaqësimin politik të shqiptarëve të Luginës së Preshevës, duke shtuar: “Përfaqësimi shqiptar të jetë me bashkim dhe zëri juaj të jetë aty më i fuqishëm!” Burimi origjinal i informacionit: zeri .info
