Këngëtarja me famë ndërkombëtare, Bebe Rexha, ka ndarë me ndjekësit një moment emocionues nga dasma e vëllait të saj, ku shfaqet duke kërcyer së bashku me reperin e njohur shqiptar, Ledri Vula.
Ky i fundit ishte i ftuar për të performuar në dasmë, ku të pranishmit patën mundësi të shijonin muzikën dhe atmosferën festive.
Krahas tij, në dasmë performoi edhe këngëtarja Yllka Kuqi.
Ajo që e bëri këtë festë edhe më të veçantë ishte atmosfera e krijuar me elemente dhe tradita shqiptare, duke i dhënë ceremonisë një frymë autentike dhe duke vënë në pah lidhjen e familjes me kulturën shqiptare.
Bebe, e cila pavarësisht suksesit ndërkombëtar, nuk i harron rrënjët e saj, ka ndarë herë pas here momente që pasqyrojnë lidhjen me prejardhjen shqiptare.
Videoja me Vulën sjell një tjetër pamje nga festa familjare, ku muzika dhe vallet shqiptare duket se kanë zënë një vend të rëndësishëm.
Burimi origjinal i informacionit: telegrafi .com
