Klestor Veseli, djali i Kadri Veselit, ka qenë i pranishëm sonte në protestën në mbështetje të ish-krerëve të Ushtrisë Çlirimtare të Kosovës.
Gjatë protestës, ai u pyet nga mediat nëse kishte marrë ndonjë ftesë nga Presidenca e Kosovës për takim, pas raportimeve se familjet e ish-krerëve të UÇK-së mund të ftohen për një takim pas aktgjykimit të Gjykatës Speciale.
Veseli e mohoi shkurtimisht se kishte marrë ndonjë ftesë të tillë. “Unë personalisht jo”, deklaroi ai para mediave.
Raportimet për një takim të mundshëm me familjarët e ish-krerëve të UÇK-së erdhën pas aktgjykimit të shkallës së parë ndaj Hashim Thaçit, Kadri Veselit, Rexhep Selimit dhe Jakup Krasniqit.
Klestor Veseli ka qenë i pranishëm edhe në protestat e ditëve të fundit, të organizuara në kundërshtim të aktgjykimit të Dhomave të Specializuara në Hagë.
Burimi origjinal i informacionit: zeri .info
