Në pritje të verdiktit të Gjykatës së Hagës, ish-presidenti i Kosovës Hashim Thaçi është i bindur në pafajësi.
Ai është shprehur besimplotë se do të kthehet i lirë në Kosovë.
Procesin që zgjat prej disa vitesh e cilësoi të bazuar mbi mashtrime.
Gishtin për faktet dhe provat e paqena me të cilat thotë se është mbushur dosja e tij e drejton nga Serbia dhe Rusia.
Ai foli me krenari për luftën e UÇK-së, por edhe rolin e tij që ka luajtur gjatë rezistencës për lirinë e Kosovës.
Ndër të tjera, ish-presidenti foli edhe për një ftohje të marrëdhënieve të Prishtinës zyrtare me Tiranën.
Ai u shpreh i bindur gjithashtu se pa heqjen e plotë të sanksioneve nga SHBA-të dhe BE-ja për Kosovën, nuk mund të ecet përpara në planin e brendshëm e as atë jashtëm, ndërsa shpreh kritika edhe për marrëveshjen e Ohrit.
