Pas fitores në zgjedhjet parlamentare të Serbisë, aktivistët kanë vazhduar me aksionet e tyre për të hequr grafitet nxitëse dhe përçarëse nga muret e ndërtesave në Beograd.
Një ditë pas fshirjes së një grafiti me përmbajtje fyese ndaj shqiptarëve, që përdorte termin përçmues “Shiptar”, sot është mbuluar edhe mbishkrimi “Kad se vojska na Kosovo vrati” (“Kur ushtria të kthehet në Kosovë”).
Aksionin e sotëm në rrugën Sremska, në qendër të Beogradit, e realizoi aktivisti Miodrag Kapor, së bashku me bashkëpunëtorët e tij.
Ai theksoi se aksionet do të vazhdojnë edhe pas zgjedhjeve, tani në kushte më të sigurta.
Grafiti “Kur ushtria të kthehet në Kosovë” është kritikuar për një kohë të gjatë për mesazhin e tij nacionalist dhe kërcënues.
Në versione të tjera të kësaj parulle është përdorur edhe një vazhdim me përmbajtje kërcënuese ndaj shqiptarëve.
Fshirja e këtij mbishkrimi ka shkaktuar reagime të shumta në rrjetet sociale, ku disa përdorues e kanë ofenduar dhe kërcënuar aktivistin.
Aksionet kundër grafiteve të urrejtjes po zhvillohen në një moment të rëndësishëm politik në Serbi, pas fitores së lëvizjes studentore në zgjedhjet parlamentare të 26 tetorit.
