Ndeshja mes Arsenalit dhe Fleetwood Townit në EFL Cup angleze u ndërpre pas vetëm dy minutash lojë, për shkak të një droni që fluturoi mbi fushën e stadiumit Highbury në Fleetwood.
Gjyqtari Michael Salisbury mori vendimin për ta ndalur përkohësisht takimin dhe për t’i dërguar futbollistët në dhomat e zhveshjes, për shkak të shqetësimeve që shkaktoi prania e dronit mbi fushë.
Ndërprerja zgjati rreth pesë minuta.
Pasi droni ndali së fluturuari mbi fushë dhe situata u vlerësua si e sigurt, gjyqtari, në marrëveshje me trajnerët e të dyja skuadrave, lejoi vazhdimin e ndeshjes.
Sipas rregullave të Federatës Angleze të Futbollit (FA), gjyqtari duhet ta ndërpresë ndeshjen nëse vëren një dron mbi fushë, përveç rasteve kur bëhet fjalë për pajisje të autorizuara për filmimin e takimit dhe të regjistruara paraprakisht.
Pjesa e parë u mbyll me epërsinë e Fleetwood, me golin e Aaron Loupalo-Bi në minutën e 21-të.
