Kryetarja e Kuvendit të Kosovës, Albulena Haxhiu, gjatë vizitës së saj në Maqedoninë e Veriut, ka pasur një takim me presidenten e këtij vendi, Gordana Siljanovska-Davkova.
Haxhiu ka theksuar se në këtë takim kanë diskutuar për marrëdhëniet e mira fqinjësore, situatën e sigurisë dhe rrugën euroatlantike. “Biseduam për marrëdhëniet e mira fqinjësore, që mbështeten në respektin e ndërsjellë.
Lidhjet e gjalla dhe të çmueshme ndërmjet qytetarëve tanë janë pasuria më e madhe e këtyre marrëdhënieve.
Diskutuam gjithashtu për sigurinë në rajon dhe për rrugën euroatlantike të dy vendeve.
Kosova e përkrah përparimin e Maqedonisë së Veriut drejt Bashkimit Evropian dhe e vlerëson mbështetjen e saj për integrimin e Kosovës në strukturat evropiane dhe euroatlantike,” shkroi Haxhiu në Facebook.
Gjatë vizitës në Maqedoninë e Veriut, Haxhiu ka takuar po ashtu edhe homologun e saj, Afrim Gashi.
Burimi origjinal i informacionit: zeri .info
