PSG Rrezikon Ndëshkimin nga UEFA për Koreografinë Kontroversiale

PSG-ja tani rrezikon të ndëshkohet nga UEFA pas koreografisë së diskutueshme të tifozëve të saj gjatë ndeshjes ndaj Barcelonës, e cila përfundoi me fitoren 4-2 në Ligën e Kampionëve.

Sipas raportimeve nga Mundo Deportivo, ndëshkimi më i mundshëm do të jetë një gjobë financiare, por klubi francez mund të përballet edhe me masa më të rënda.

Një nga opsionet që po shqyrtohet është mbyllja e pjesshme e stadiumit për një ndeshje të ardhshme.

UEFA gjithashtu mund të vendosë një paralajmërim zyrtar, duke theksuar se përsëritja e incidenteve të tilla mund të sjellë ndëshkime edhe më të rënda.

Koreografia përfshinte një figurë të maskuar me sharrë elektrike që shkatërronte stemën e Barcelonës, si dhe një slogan që i referohej një masakre në Paris.

Në tribuna, janë raportuar gjithashtu pankarta me mesazhe fyese ndaj klubit katalunas.

Sipas rregullave disiplinore të UEFA-s, mesazhet provokuese që janë të papërshtatshme për ngjarjet sportive mund të çojnë në masa ndaj klubeve pritëse, të cilat mbajnë përgjegjësi për rendin dhe sigurinë në stadiumet e tyre.