Ramush Haradinaj shpreh shqetësimin për protestat në Shqipëri

Ish-kreu i Aleancës, Ramush Haradinaj, ka shprehur shqetësimin e tij për zhvillimet e fundit në Shqipëri, duke e ndjekur me vëmendje situatën e protestave që po shoqërohen me tensione e përplasje.

Haradinaj ka deklaruar se po e përcjell me dhimbje çdo ngjarje që ndodh atje, duke shpresuar që situata të zgjidhet përmes dialogut politik dhe pa përdorimin e dhunës. “Me dhimbje po i përcjelli zhvillimet atje.

Lutem që të arrihet një zgjidhje për atë gjendje politike, pa dhunë.

Shpresoj pa viktima”, tha ai.

Ai gjithashtu theksoi se ajo që po ndodh në Shqipëri prek emocionalisht edhe qytetarët e Kosovës. “Na dhemb sikur ta kishim në familje, gjithë atë që po ndodh”, shprehu ndjenjat e tij Haradinaj.

Ai i bëri thirrje institucioneve dhe protestuesve për të gjetur një marrëveshje që do të ndalonte situatën e tensionuar. “Lutem të gjithë, vëllezër e motra, edhe institucioneve edhe protestuesve, që të arrihet një marrëveshje e të ndalet kjo situatë”, theksoi ai.

Në përfundim, Haradinaj shprehu shpresën se Shqipëria do ta tejkalojë sa më shpejt krizën dhe do t’i rikthehet proceseve të saj politike.

Burimi origjinal i informacionit: zeri .info