Protesta ‘Jo në emrin tim’: Bashkimi për UÇK-në dhe të Vërtetën e Luftës Çlirimtare

Çlirim Haziri, organizatori i protestave të përnatshme “Jo në emrin tim”, ka ftuar qytetarët që të bashkohen sot, më 1 tetor, në orën 16:00, në sheshet e Prishtinës, për të shprehur kundërshtimin ndaj vendimit të Gjykatës Speciale në Hagë.

Nëpërmjet një postimi, Haziri ka bërë thirrje për solidaritet në mbështetje të UÇK-së dhe të vërtetës së luftës çlirimtare. “Jemi bashkë për UÇK-në.

Jemi bashkë për të vërtetën tonë”, ka shkruar ai.

Haziri gjithashtu njoftoi se pas marshit të sotëm, protestat e mbrëmjes do të vazhdojnë edhe nga nesër. “Sot marshojmë.

Nga nesër vazhdojmë përsëri me protestën e mbrëmjes.

Shihemi në ora 16:00!”, ka përfunduar ai.

Burimi origjinal i informacionit: zeri .info