Katër vatra zjarri mbeten ende aktive në Shqipëri, ndërsa situata menaxhohet në mënyrë të pandërprerë nga strukturat e emergjencave.
Sipas të dhënave operative të Agjencisë Kombëtare të Mbrojtjes Civile (AKMC), të përditësuara mbrëmjen e së mërkurës, në shkallë vendi janë raportuar gjithsej 20 vatra, nga të cilat 3 janë nën mbikëqyrje dhe 3 janë shuar plotësisht.
Për menaxhimin e situatës dhe izolimin e flakëve janë angazhuar në terren 183 forca operacionale dhe 21 automjete zjarrfikëse.
Operacioni mbështetet gjithashtu nga 80 pjesëtarë të Forcave të Armatosura dhe 2 helikopterë të Forcës Ajrore.
Vatrat aktive dhe operacionet në terren: Dajt–Qafë Priskë, Lundre (Mat), Vajkal (Bulqizë), Mallunxë (Mat), Iballë e Fushë-Arrëzit, Qafa e Lugut–Vithkuq, malin e Qukësit, Podgorc, Psar dhe Therepel (Skrapar).
AKMC është në gatishmëri të plotë për të ndërhyrë në kohë, me prioritet mbrojtjen e jetës së qytetarëve dhe pasurisë publike e private.
Burimi origjinal i informacionit: zeri .info
