Kryeministri i Kosovës, Albin Kurti, zhvilloi sot një takim lamtumirës me komandantin e KFOR-it, gjeneralmajorin Özkan Ulutaë.
Në këtë takim, Kurti shprehu mirënjohjen për bashkëpunimin dhe koordinimin gjatë dy mandateve të Ulutaës në krye të misionit të NATO-s në Kosovë.
Gjatë takimit, ata diskutuan për rrugën e Kosovës drejt anëtarësimit në NATO, zhvillimet politike dhe situatën e sigurisë në vend dhe rajon, si dhe për forcimin e kapaciteteve të Forcës së Sigurisë së Kosovës dhe Policisë së Kosovës.
Kryeministri Kurti theksoi rëndësinë e thellimit të bashkëpunimit ndërmjet institucioneve të Kosovës dhe KFOR-it, duke nënvizuar se Ulutaë largohet si mik dhe se do të ruajnë kujtime të mira nga bashkëpunimi i tyre. “Në dy mandatet e tij të komandës së KFOR-it, komunikimi me Gjeneralmajor Özkan Ulutaë ka qenë konstruktiv, ndërsa ai largohet nga vendi ynë si mik me të cilin do të ruajmë kujtime të mira.
Në takimin lamtumirës sot, e falënderova për bashkëpunimin e bashkërendimin.
Biseduam për rrugën drejt anëtarësimit në NATO, por edhe për zhvillimet aktuale politike, për situatën e sigurisë në vend dhe rajon, për ngritjen e kapaciteteve të Forcës së Sigurisë dhe të Policisë së Kosovës, për ndërveprimin e mirë të institucioneve të Republikës e KFOR-it, si dhe për mundësitë konkrete të zgjerimit dhe thellimit të tij”, ka shkruar Kurti.
Burimi origjinal i informacionit: zeri .info
