Shtatorja e senatorit amerikan Bob Dole ndodhet në lagjen ‘Dardania’ në Prishtinë dhe është vendosur në rrugën që mban emrin e tij.
Kryetari i Prishtinës, Përparim Rama, së bashku me delegacionin e Kryeqytetit, bënë homazhe pranë shtatores si shenjë mirënjohjeje për kontributin e senatorit Dole ndaj Kosovës.
Rama kujtoi vizitën e senatorit Dole në Kosovë në vitin 1990, duke e vlerësuar si moment kyç në përballjen me regjimin serb.
Ai theksoi se Shtetet e Bashkuara vazhdojnë të jenë aleati më i madh i Kosovës.
Shtatorja e Bob Dole u zbulua në Prishtinë më 30 gusht 2020 në shenjë mirënjohjeje për kontributin e tij ndaj Kosovës në 30-vjetorin e vizitës së tij të parë në Kosovë.
Burimi origjinal i informacionit: zeri .info
