Kryeministri në detyrë, Albin Kurti, mbajti një takim të paparalajmëruar me kryetarin e LDK-së, Lumir Abdixhiku, në orët e vona të së shtunës në ambiente të Kuvendit.
Pas takimit, Kurti tha se do të njoftojë lajme vetëm pasi të ketë rezultate nga ana e tyre.
Në pyetjen në lidhje me emrin e propozuar për president, Kurti nuk dha asnjë përgjigje.
LVV dhe LDK po zhvillojnë takime të vazhdueshme për të gjetur një emër konsensual për president të Kosovës, megjithatë deri tani nuk ka emra zyrtarë të përmendur, pasi shumica prej tyre kanë mohuar pretendimet.
Burimi origjinal i informacionit: zeri .info
