Seriali i njohur “Girls” po rikthehet pas afërsisht 10 vitesh me pesë episode të reja, duke ribashkuar Lena Dunham dhe aktorët kryesorë për të treguar një kapitull të ri në jetën e personazheve.
Xhirimet pritet të nisin në vitin 2027, pas përfundimit të serialit në vitin 2017.
Përveç Dunham, e cila interpreton rolin e Hannah Horvath, do të rikthehen edhe Allison Williams, Jemima Kirke, Zosia Mamet dhe Andrew Rannells.
Dunham do të jetë sërish skenariste dhe producente ekzekutive, dhe ka theksuar se ideja për vazhdimin e serialit i lindi rreth ditëlindjes së saj të 40-të.
Ajo kishte përmendur më herët se rikthimi do të kishte kuptim vetëm nëse personazhet do të përballeshin me ndryshime të rëndësishme në jetën e tyre.
Megjithatë, në njoftimin për episodet e reja nuk përmenden Adam Driver dhe Jenni Konner, të cilët ishin pjesë e rëndësishme e serialit.
Kjo ndodh pasi Dunham, në librin e saj autobiografik Famesick, të publikuar në prill të vitit 2026, përshkroi përvoja negative nga marrëdhëniet me ta.
Ajo bëri pretendime për sjelljen e Driver gjatë bashkëpunimit të tyre dhe foli për përkeqësimin e marrëdhënies me Konner.
Burimi origjinal i informacionit: telegrafi .com
