Kryetarja e Preshevës, Ardita Sinani, ka bërë të ditur se autoritetet serbe nuk lejuan hyrjen në Serbi për tre deputetë të Kosovës, Arbërie Nagavcin, Fatmire Mullhaxhën dhe Liza Gashin, që kishin shkuar për t’i shprehur ngushëllime asaj.
Deputetët ishin shoqëruar nga ambasadori i Kosovës, Jetish Jashari dhe këshilltari i kryeministrit, Ragmi Mustafi, por hyrja e tyre u refuzua.
Sinani shprehet se duke parë një situatë të tillë, ajo e ka vazhduar takimin në pjesën e Kosovës.
Autoritetet serbe, edhe kur bëhet fjalë për marrëdhënie ndërnjerëzore, duken të kënaqura me refuzimin e lejes për vizita në Luginën e Preshevës, pikërisht për shkak të përfshirjes së zyrtarëve shtetërorë të Republikës së Kosovës. “Me rastin e vdekjes së babait tim, një delegacion nga Republika e Kosovës, i përbërë nga deputetet Arbërie Nagavci, Fatmire Mullhaxha Kollçaku dhe Liza Gashi, kishin planifikuar të vinin për ngushëllime,” tha ajo.
Sipas protokollit, deputetët ishin shoqëruar edhe nga Ambasadori i Kosovës në Beograd, Sh.T.
Jeshit Jashari, i cili kishte shprehur dëshirën për të vizituar për ngushëllime.
Pjesë e delegacionit ishte edhe Ragmi Mustafi, këshilltari i kryeministrit Kurti për Preshevë, Medvegjë e Bujanoc, i cili ishte ngarkuar me porosinë e kryeministrit Albin Kurti për të shprehur ngushëllimet e tij për humbjen e prindit.
Edhe pse vizita e tyre nuk ishte zyrtare, por për qëllime personale dhe humane, Serbia vendosi ta përfshijë politikën edhe në këtë rast.
Pas disa orësh pritje në vendkalimin kufitar me Kosovën në Depcë, autoritetet njoftuan se nuk lejohej vizita në Preshevë.
E detyruar nga këto rrethana, Sinani, bashkë me vëllezërit dhe familjarët e saj, e takoi delegacionin në vendkalimin Depcë, në territorin e Kosovës. “Edhe në këto rrethana aspak njerëzore, pata nderin të marr ngushëllimet e sinqerta nga deputetet Nagavci, Mullhaxha Kollçaku dhe Gashi, që më përcollën edhe ngushëllimet e Kryetares së Kuvendit të Republikës së Kosovës, znj.
Albulena Haxhiu,” tha ajo.
Kjo situatë është një shembull i qartë i politikës diskriminuese të Serbisë, e cila shfaqet në çdo aspekt të jetës, përfshirë edhe rastet e vdekjeve.
Sinani shpreson që Serbia të kuptojë mesazhin e qartë se, edhe në rrethana të vështira, nuk do të arrijë të ndajë lidhjen shpirtërore mes Kosovës dhe Preshevës.
Ajo shpreh falënderime të sinqerta për deputetët dhe ambasadorin që ndanë kohë për të qenë pranë saj në këtë dhimbje dhe shpreh keqardhje që nuk mundën të priten siç e meritojnë. “Duke parë vendosmërinë e tyre për të qenë pranë meje, iu garantoj gatishmërinë time për të qenë afër Kosovës në çdo formë,” përfundoi ajo.
Burimi origjinal i informacionit: zeri .info
