Anëtari i Komisionit Qendror të Zgjedhjeve (KQZ) nga radhët e PDK-së, Rashit Qalaj, shpreson që presidentja Justina Shiroka-Pula ta emërojë sa më shpejt anëtarin e dytë të kësaj partie në KQZ.
Në një deklaratë për Ekonominë Online, Qalaj ka theksuar se KQZ-ja ka funksionuar për një kohë të gjatë pa anëtarin e 11-të, duke nënvizuar rëndësinë e plotësimit të përbërjes së këtij institucioni.
Ai është optimist se presidentja do të veprojë në përputhje me praktikën e mëparshme dhe vendimin e Gjykatës Kushtetuese. “Unë mendoj se presidentja do t’i ushtrojë funksionet e saj dhe do të bazohet si në përvojën e së kaluarës, ashtu edhe në aktgjykimin e Gjykatës Kushtetuese.
Pa dyshim që anëtari i 11-të, ose anëtari i dytë, do të jetë nga Partia Demokratike e Kosovës”, ka deklaruar ai. Çështja e emërimit të anëtarit të 11-të të KQZ-së ka mbetur e pazgjidhur që nga koha e ish-presidentes Vjosa Osmani, ndërsa për këtë pozitë ka pretenduar edhe Lëvizja Vetëvendosje.
Burimi origjinal i informacionit: zeri .info
