Ish-kryeministri i Kosovës, Ramush Haradinaj ka thënë se do ta shqyrtonte çështjen e kanidatuarës për president, nëse një propozim i tillë vije nga partitë opozitare të legjislaturës së fundit.
Haradinaj ka thënë se Kosova është në sfida e vështirësi të mëdha dhe një propozim eventual do ta shqyrtonte. ‘Nëse opozita, Aleanca, PDK, LDK do të më kandidonin, do ta shqyrtoja mundësinë e kandidaturës nga opozita.
Kosova është në sfida të mëdha, vështirësi e kisha shqyrtua nëse opozita me propozon për president në një garë në seancë,’ ka thënë Haradianj të dielën, raporton teve1.info.
Ai ka thënë se nuk është kandidat për president momentalisht.
Pas zgjedhjeve të 7 qershorit, LVV ka dal partia e parë me 53 ulëse në Kuvend, PDK e dyta me 22, LDK e treta me 18, kurse Aleanca ka fituar 7 ulëse.
Në zgjedhjet e qershorit, e vetmja parti që ka pasur kandidate për presidente ka qenë LDK, me Vjosa Osmanin.
Kryeministri në detyrë ka thënë se do të bisedoj me paritë opozitare për çështjen e presidentit.
Ndërsa, nga LDK disa zyrtarë të partisë nuk e kanë përjashtuar mundësinë e një koalicioni me Lëvizjen Vetëvendosje, duke thënë se Vjosa Osmani si kandidate për presidente nuk do të jetë pengesë për formimin e institucioneve.
Edhe vet Osmani ka thënë se emri i saj nuk do të jetë pengesë që të formohen institucionet, ndonëse në mbrëmjen e 7 qershorit ishte shprehur se LVV nuk ka aryse për ta refuzuar emrin e saj për presidente.
Nga PDK kanë kërkuar marrëveshje politike për presidentin, para konstituimit të Kuvendit e votimit të Qeverisë./teve1 Burimi origjinal i informacionit: zeri.info
