Zëdhënësja e Dhomave të Specializuara të Kosovës, Angela Griep, ka informuar se procesi gjyqësor ndaj Hashim Thaçi, Kadri Veseli, Rexhep Selimi dhe Jakup Krasniqi ndodhet aktualisht në një fazë të rëndësishme.
Trupi Gjykues është në fazën e kuvendimeve, duke shqyrtuar provat dhe argumentet përpara marrjes së vendimit përfundimtar.
Kohëzgjatja për nxjerrjen e aktgjykimit ndryshon nga rasti në rast dhe varet nga kompleksiteti i çështjes.
Griep bëri të ditur se Trupi Gjykues ka një afat prej 90 ditësh për të arritur një verdikt, por ky afat mund të zgjasë në rrethana të caktuara për një vendim të drejtë.
Publiku do të informohet sapo gjykatësit vendosin për afatin e shpalljes së aktgjykimit.
Rregullorja në fuqi nuk përcakton një afat të saktë kohor për publikimin e vendimit, duke lejuar procesin të zgjasë në bazë të zhvillimeve dhe kompleksitetit të çështjes.
