Deputeti i PDK-së, Altin Krasniqi, ka bërë të ditur se presidentja Justina Shiroka-Pula, gjatë vizitës në shtëpinë e ish-kryeparlamentarit Jakup Krasniqi, ka premtuar se do të bëjë gjithçka që është brenda kompetencave dhe kornizave ligjore për të ndihmuar ish-krerët e Ushtrisë Çlirimtare të Kosovës.
Duke folur për gazetarët pas vizitës, Krasniqi theksoi se presidentja shprehu gatishmërinë për të kontribuar në procesin e Apelit në Hagë dhe në çështjen e ligjit për mbrojtjen e vlerave të luftës së UÇK-së. “Presidentja na ka thënë se çdo gjë që është brenda kornizave ligjore, unë kam me bo me iu ndihmu në procesin e Apelit dhe në nënshkrimin e ligjit”, tha Krasniqi.
Ai gjithashtu theksoi se vizita ka një rëndësi të veçantë edhe për familjen Krasniqi, pasi kjo është hera e parë në gjashtë vjet që një përfaqësues i institucioneve viziton familjen. “Është një rëndësi edhe për familjen, që institucionet janë të gatshme të kontribuojnë për me u mbrojt lufta e drejtë e UÇK-së”, u shpreh ai.
Burimi origjinal i informacionit: zeri .info
