Post Malone dhe partnerja e tij, Christy Lee, janë fejuar.
Këngëtari i njohur amerikan i ka propozuar të dashurës së tij me një unazë të madhe diamanti, ndërsa lajmi u bë publik nga shoqja e saj, Marina Hollyer, përmes Instagramit.
Hollyer publikoi fotografi ku çifti shihet duke u përqafuar, teksa Christy Lee tregon unazën e fejesës. ‘Shoqja ime më e mirë në botë sapo u fejua’, shkroi Hollyer në postimin e saj.
Në fotografi të tjera, Lee pozon me miqtë dhe tregon me krenari unazën e re.
Post Malone dhe Christy Lee nisën të përfliteshin si çift në mars të vitit 2025.
Një muaj më vonë, ata u panë së bashku gjatë një darke në restorantin Beefbar në Paris.
Pak ditë më pas, çifti u fotografua duke bërë pazar në kryeqytetin francez dhe duke shkëmbyer një puthje pas vizitave në dyqanet e markave luksoze.
Lidhja e re e këngëtarit erdhi në një periudhë kur mediat raportuan për ndarjen e tij nga ish e fejuara, Hee Sung ‘Jamie’ Park.
Post Malone dhe Park ishin fejuar në vitin 2021 në Las Vegas, ndonëse këngëtari e kishte konfirmuar fejesën publikisht në vitin 2023.
Burimi origjinal i informacionit: telegrafi .com
