Policia e Kosovës ndalon kontrabandën e duhanit nga Maqedonia e Veriut

Policia e Kosovës ka raportuar se ka parandaluar një rast të kontrabandimit të mallrave nga Maqedonia e Veriut.

Pas pranimit të informacioneve për një shtëpi të pabanuar në komunën e Vitisë ku ishin strehuar mallra të kontrabanduara, policia ka ndërmarrë veprime operative.

Rezultati i hetimit ka qenë sekuestrimi i 300 kg duhani të përpunuar, me vlerë rreth 6,000 euro, i cili dyshohet se ka hyrë në Kosovë ilegalisht nga Maqedonia e Veriut.

Mallrat e sekuestruara janë dorëzuar Doganës së Kosovës për procedura të mëtejshme ligjore.