Në Klinikën e Ortopedisë në QKUK është realizuar me sukses një ndërhyrje kirurgjikale për fiksimin perkutan të një frakture komplekse të pelvikut te një pacient 50-vjeçar.
Ndërhyrja është kryer përmes një teknike minimalisht invazive që synon të reduktojë dëmtimin e indeve të buta dhe humbjen e gjakut gjatë operacionit.
Procedura është realizuar nga ekipi operator i Klinikës së Ortopedisë në bashkëpunim me ekipin e Anestezionit.
Ky hap përfaqëson avancimin në trajtimin kirurgjikal të traumave të pelvikut dhe frakturave komplekse, duke ofruar mundësinë për trajtimin modern dhe minimalisht invaziv të pacientëve.
Burimi origjinal i informacionit: zeri .info
