Kryeministri në detyrë i Kosovës, Albin Kurti, ka pritur të enjten në takim lamtumirës ushtruesen e detyrës së shefes së Zyrës së Bashkimit Evropian në Kosovë, Eva Palatova.
Kurti e ka falënderuar Palatovën për shërbimin dhe kontributin e saj, duke vlerësuar bashkëpunimin ndërmjet institucioneve të Kosovës dhe Bashkimit Evropian.
Gjatë takimit, kryeministri në detyrë ka theksuar nevojën që BE-ja të ndërmarrë hapa lidhur me aplikimin e Kosovës për anëtarësim në Union.
Sipas Kurtit, Kosovës duhet t’i jepet statusi i vendit kandidat, i shoqëruar me një proces të bazuar në merita.
Në fund të takimit, Kurti i ka uruar Palatovës sukses në angazhimet e ardhshme profesionale, duke theksuar se ajo do të jetë gjithmonë e mirëpritur në Kosovë.
Burimi origjinal i informacionit: zeri .info
